依間餐廳d瑞士雞翼堅正。我食過，真係食過。
最近替一間新開餐廳做餐牌廣告。餐廳有幾位老細，同佢地開會，你一句佢一句，傾完兩個鐘都完全無結論。其實佢地個個都好nice，但因為每個老細都身經百戰，主見比較多在所難免。
我發現好多時人與人之間爭拗，其實佢地根本唔知對方d論點，只係掛住自已講，拒絕聆聽；一但有個第三者同佢地綜合一下，會發現根本佢地d論點其實無茅盾，唔駛拗。
有時候人多好辦事，因為每個人各有所長；但當每個人都堅持己見，拒絕聆聽，咁就點傾都無用。依個時候，我就大膽叫停佢幾位老細，話：「各位，大家提出了很多建設性意見，其實大家都係想件事好。等我綜合一下大家d意見先...」
講左幾句，幾位老細就話：「咪係囉！之唔係咁！掂！好，就咁搞！」
走得，收工！
大家好，小妺被公司安排在這𥚃寫blog，壓力其實不大！因為飲飲食食邊個唔識？不是專家，但真心鍾意食野，希望跟大家開心share吓啦！
話說有日收工行一田（一田有好多靚生果，雖然貴），見到聲稱用日本技術丶美國種植的12度甜橙，$19.8四個，忍唔住買來試吓！小妺作為愛橙之人，深知好食嘅橙求之不易，有錢都未必買到，所以見到有咁特別嘅12度甜橙，貴少少都買。
回家一試，果然夠甜！雖然橙細隻，果肉也不算有咬口，但真係甜，無呃人，可以再戰！